واحد خنيق عمل منتدي خش و شوف قوانينة

في واحد عصبي جدا عمل منتدي و بقي مدير عام عليه
شوفوا بقي القوانين اللي حطها


1-عضويتك تبقي بأسم محترم و ابن حلال و يا ريت تكون بالعربي
مش هقرف نفسي و أقعد أترجم انا و إلا هتتوقف
و أي حد مش عاجبني اسمه هيتوقف

2-أي رد مفهوم أو غير مفهوم هتتوقف

3-تشارك من سكات

4-قسم الفرفشة تكتب تعليق و انت ساكت و مش عاوز ضحك

5-قسم المسابقات تلعب من غير أي هزار

6-ماتقعدش فاتح المنتدي طول اليوم عشان متضغطش علي السيرفر
سيب فرصة لغيرك عشان يتنيل يدخل


7-أي موضوع مكرر أو منقول أو حتي جديد يحذف فورا

8-قسم الشكاوي مشوفش فيه موضوع واحد و إلا تتوقف


9-تخليك في حالك و متتكلمش مع حد من الأعضاء جوة المنتدي أو برة المنتدي


10-ممنوع أي هزار أو تعارف أو تهنئة

11-تخليك في حالك و متتكلمش مع حد من الأعضاء جوة المنتدي أو برة المنتدي على الايميل ماشى او الاسكاى مفيش مانع
ممنوع أي هزار أو تعارف أو تهنئة فى قسم المسابقات




و كفايه بقى كده عليكوا