لما انتوا رافضين مبتوصلوش رسالتكم ليه

بعد السلام والتحية طبعاً لو قالولى اتكلمى فى حب مصر هاقول لغاية مهشبع وبرده مش هخلص الكلام لكن لو قالولى اتكلمى عن اللى بيحصل فى فلسطين هسكت لان "سياسية العرب حالياً" لازم تخلينى اسكت والا هاروح ورا الشمس بس انا النهاردة عايزة اسألكم على حاجة غايظانى لما اسرائيل النهاردة بسم الله ما شاء الله ربنا فتحها عليها وخلاص نوت انها تدخل القدس بعد 62 سنة احتلال لفلسطين والكلام ده مجاش من فراغ لا دى كانت بتحضر له بقالها 5 شهور لما بنت مجسم صغير لهيكل سليمان المزعوم وحطته على بعد امتار من المسجد الاقصى .
عايزة اعرف امتى هنتحرك لما نلاقيها داخلة على كل بلد بشوية من رجالتها الحلوين اللى بنسميهم الاخوة الامريكان بس طبعاً بردة مش هنقدر نقولها لا علشان المعونة اللى بتبعتهالنا متقفش والا هنموت من الجوع لو دافعنا عن حقنا مش حق غيرنا ده حقنا الى احنا بس بنطالب بيه مش مجهزين اسلحة وجيوش واتحدوا العرب مع بعضهم " لا سمح الله " عشان يحاربوا اسرائيل .
انا مش عارفة فاضل ايه يحصل عشان بس قادة العرب اللى يشرفوا يتحركوا ولا لأ دى كتير عليهم ينووا بس انهم يفوقوا من النوم اللى هما فيه او بمعنى اصح الحقنة بتاعت التنويم المغناطيسي اللى امريكا مديهالهم عشان يدوب يتفرجوا ويخلوا الشعوب تفقد ثقتها فى القادة بتوعهم
ربنا يسهل بس ومنلاقيهمش داخلين علينا وبرده نلاقى الرؤساء اللى ربنا يحرسهملنا قاعدين برده وبيتفرجوا
حسبى الله ونعم الوكيل فى اللى خلانا ملناش قيمة عندهم ومتبهدلين بالشكل ده
بناء على اللى وصللى من شوية بالفعل ابتدى الاسرائيايين فى الحفر فى المسجد الاقصى عشان بيتدوا عملية التدمير الشاملة لكل حاجة بتربطنا بالاسلام و عايزين نشوف نوم اكتر من كدة على اللى بيحصل اصلها مبتقش فارقة معانا اصلنا لو كنا نوينا نخلص اخواننا اللى كل يوم بيموت منهم الميات كنا دخلنا اكتر من حرب عشان ننقذ ارواحهم بس احنا اللى مش عايزين ده لأننا خايفين على زعل "طنط امريكا وماما اسرائيل "
وياريت كل الناس تشارك مش تقرا وبس تقول ياحرام على الناس اللى بتموت وخلاص

طبعا كيميائية محتارة عندها حق كبيييير انا مش بقول كدة عشان هى اختى لا عشان احنا كنا لازم من الاول نعمل اكتر من كدة.مهما اقوا واعيد مش حينفع
حتى لو اى حد حاول يتدخل مش حيعرف يعمل اى حاجة عشان خلاص الفاس وقعت فى الراس ومبقاش فى ايدينا نعمل اى حاجة نعملها لان خلاص فعلاً دخلت وعملت اللى هى عايزاه "افرحوا ياعرب ويامسلمين " و"زغرطى واشمتى فينا يا ماما اسرائيل". انا بجد فخورة . وشكرا على الموضوع اللى لازم يحرك مشاعر كل الناس اتجاه اخواتنا.

يا جماعمة انا كنت فاكراكم حتتحمسوا بس زى كل مرة تدخلوا تتفرجوا وبس انما تردوا وتقولوا اللى نفسكوا فيه مش حيحصل

بس احنا هنقول وبعدين هنعمل ايه ولا حاجه ده كلام وحسبى الله ونعمه الوكيل ربنا ينتقم منهم وبجد بشكرك على الموضوع الجميل ده

بشكركم يا جماعة على مساهمتكم فى الموضوع بس كنت اتمنى ان المساهمة تكون بشكل تانى اكبر من كدة بس انتوا عملتوا اللى تقدروا عليه وشكراً ليكوا على اى حال